فرانسیسی کرکٹر گسٹاو مک کیون نے ٹی 20 کے کئی ریکارڈز اپنے نام کرلیے

فرانس کے گسٹاو مک کیون نے ٹی 20 انٹرنیشنلز کے مزید ریکارڈز اپنے نام کرلیے، وہ کیریئر کے ابتدائی 4 میچز میں مسلسل ففٹی یا زائد رنز کرنے والے پہلے کھلاڑی بن گئے ہیں۔

نیپال کے کوشال بھورٹیل نے کیریئر کے ابتدائی 3 میچز یں ففٹی یا زائد رنز اسکور کیے تھے جبکہ سنتھ جے سوریا نے ابتدائی 4 میچز میں 3 ففٹی پلس اسکور بنائے تھے۔

گسٹاو مک کیون نے ورلڈ کپ یورپ کوالیفائرز میں 2 سنچریاں اور 2 نصف سنچریاں بنائیں، انہوں نے ابتدائی 4 اننگز میں سب سے زیادہ رنز بنانے کا ریکارڈ بھی بنالیا۔

فرانسیسی اوپنر نے 4 اننگز میں 377 رنز بناکر نیا ریکارڈ بنایا، اس س قبل 4 اننگز میں سب سے زیادہ 276 رنز پرتگال کے اظہر عدنان نے بنائے تھے۔

آسٹریلیا کے ایرون فنچ نے اپنے کیریئر کی 36 سے 39 اننگز یعنی 4 باریوں میں 342 رنز بنائے تھے۔

بشکریہ جنگ