اوپن مارکیٹ، ایک ڈالر کی قیمت 241 روپے تک پہنچ گئی

ملک میں سیاسی عدم استحکام نے امریکی ڈالر کو آسمان پر پہنچا دیا۔ اوپن مارکیٹ میں 4 روپے بڑھ کر ایک ڈالر کی قیمت 241 روپے تک پہنچ گئی۔

دوسری جانب پاکستان اسٹاک ایکسچینج میں گزشتہ روز کاروبار کا ملا جلا دن رہا، جہاں 100 انڈیکس میں 78 پوائنٹس کا اضافہ ہوا۔

وزیر خزانہ مفتاح اسماعیل کا کہنا ہے کہ جب راتوں کو سیاسی صورتِ حال تبدیل ہو تو مارکیٹ ایسے ہی اثر دکھاتی ہے۔

سندھ صرافہ بازار جیولرز ایسوسی ایشن کے مطابق آج ملک میں سونے کی فی تولہ قیمت میں ڈھائی ہزار روپے کا بڑا اضافہ دیکھنے میں آیا ہے۔

انہوں نے کہا کہ سیاسی عدم استحکام اور کرنٹ اکاؤنٹ خسارہ ڈالر کا ریٹ بڑھنے کی بنیادی وجہ ہے۔

بشکریہ جنگ