پنجاب میں 3 ماہ سے جعلی وزیر اعلیٰ بیٹھا ہے، فرخ حبیب

پاکستان تحریک انصاف (پی ٹی آئی) کے رہنما فرخ حبیب نے کہا ہے کہ پنجاب 12 کروڑ کا صوبہ ہے، جس میں 3 ماہ سے جعلی وزیر اعلیٰ بیٹھا ہوا ہے۔

اسلام آباد میں میڈیا سے گفتگو میں فرخ حبیب نے کہا کہ ہمیں نہیں لگتا کہ 13 جماعتی اتحاد اس کیس کا دفاع کر پائے گا۔

انہوں نے کہا کہ پنجاب میں 3 ماہ سے جعلی وزیر اعلیٰ بیٹھا ہوا ہے، اگر 12 کروڑ کا صوبہ ہاتھ سے نکل گیا ہے تو اس کا فیصلہ عوام نے کیا ہے۔

پی ٹی آئی رہنما نے مزید کہا کہ یہ نہیں ہوسکتا کہ 13 جماعتیں ججوں پر تنقید کریں اور دباؤ ڈالیں۔

بشکریہ جنگ