عمران اسماعیل کی حکمراں اتحاد کے فل کورٹ کے مطالبے پر تنقید

پاکستان تحریکِ انصاف (پی ٹی آئی) کے سینئر رہنما اور سابق گورنر سندھ عمران اسماعیل نے حکمراں اتحاد پر تنقید کرتے ہوئے کہا ہے کہ وزیرِ اعظم ہاؤس میں آج چوروں کے ٹولے نے پریس کانفرنس کی۔

عمران اسماعیل نے کہا کہ عدالتیں جب انہیں ضمانت دیتی ہیں تو بہت اچھی ہو جاتی ہیں۔

اُنہوں نے کہا کہ عدالتیں حکمراں اتحاد کی خواہشات کے مطابق فیصلہ دیں تو ٹھیک ورنہ غلط ہیں۔

حکمراں اتحاد کی جانب سپریم کورٹ آف پاکستان سے وزیرِ اعلیٰ پنجاب کے الیکشن کے کیس میں فل کورٹ بنائے جانے کا مطالبہ کیا گیا ہے۔

اُنہوں نے مزید کہا کہ مولانا فضل الرحمٰن کو نیب بلائے تو وہ 10 ہزار لوگ لانےکی دھمکیاں دیتے ہیں۔

سابق گورنر سندھ نے یہ بھی کہا کہ عمران خان کی حکومت جانے کا فیصلہ ہو تو بالکل ٹھیک تھا، اب یہ ڈیمانڈ کر رہے ہیں کہ ہمیں 3 ججز پر بھروسہ نہیں، فل بینچ چاہیے۔

بشکریہ جنگ