یمن میں طوفانی بارش اور سیلاب سے 10 افراد جاں بحق

یمن میں طوفانی بارشوں کے بعد سیلابی صورتحال پیدا ہوگئی ہے۔

دارالحکومت صنعا سے ملنے والی اطلاعات کے مطابق یمنی حکام نے بتایا ہے کہ طوفانی بارشوں اور اس کے باعث پیدا شدہ سیلابی صورتحال سے مختلف حادثات میں 4 بچوں سمیت 10 افراد اپنی جانوں سے ہاتھ دھو بیٹھے ہیں۔

یمنی حکام کا مزید کہنا ہے کہ جاں بحق ہونے والے چاروں بچے تین منزلہ عمارت گرنے سے موت کا شکار ہوئے۔ حکام کے مطابق سیلابی ریلے میں گاڑی بہنے سے دیگر 6 افراد ہلاک ہوئے۔

بشکریہ جنگ