کراچی، پیپلز بس سروس کا نیا روٹ متعارف

پیپلز بس سروس کا نمائش سے سی ویو تک نیا روٹ متعارف کرادیا گیا۔

ترجمان ایس آئی ڈی سی ایل کے مطابق بس نمائش سے زیب النساء اسٹریٹ، میٹروپول، تین تلوار، بلاول چورنگی اور ڈالمن مال سے سی ویو پہنچے گی۔

ترجمان کا کہنا تھا کہ پیپلز بس،گرین لائن کے نمائش اسٹیشن پر موجود ہوگی جب کہ گرین لائن اور پیپلز بس سروس کا کرایہ الگ الگ چارج کیا جائے گا۔

ترجمان نے کہا کہ گرین لائن کے مسافروں کے علاوہ دیگر مسافر بھی پیپلز بس سروس استعمال کرسکیں گے۔

بشکریہ جنگ