الیکشن کمیشن کو پہلے یاد نہیں تھا کہ محرم ہے، علی زیدی

تحریک انصاف سندھ کے صدر علی زیدی کا کہنا ہے کہ الیکشن کمیشن کو پہلے یاد نہیں تھا کہ محرم ہے، اب تو آر اوز کو بیلٹ پیپرز بھی پہنچا دیے گئے ہیں۔

سندھ میں ضمنی انتخاب ملتوی ہونے پر الیکشن کمیشن کے دفتر کے باہر احتجاج  کے دوران علی زیدی نے خطاب کرتے ہوئے کہا کہ محکمہ صحت اور الیکشن کمشین کے لوگوں کے پاس انتخابی سامان ہے۔

انہوں نے کہا کہ سپریم کورٹ اپنے فیصلے پر عملدرآمد کرائے، آرٹیکل 140 پر عمل درآمد کرایا جائے ورنہ ان پر توہین عدالت لگائی جائے۔

رہنما پی ٹی آئی کا کہنا تھا کہ پارٹی کی مقبولیت سے پتنگ والے اور تیر والے خائف ہیں۔

انہوں نے کہا کہ پنجاب میں بلے کے پھینٹے سے ان کی کانپیں ٹانگ گئی ہیں۔

علی زیدی نے کہا کہ سندھ کا ضمنی الیکشن بھی میدان جنگ لگ رہا تھا، این اے 245 کے آر او کراچی کے بھی ریجنل سربراہ ہیں۔

انہوں نے مزید کہا کہ یہ سارے تو زرداری کے لوگ ہیں، زرداری لاہور میں بیٹھ کر ضمیروں کے سودے کر رہا ہے۔

بشکریہ جنگ