خاتون نے سورج کی تپش سے انڈا فرائی کر لیا
برطانیہ اور یورپی ممالک کے شہریوں کو آج کل شدید گرمی کا سامنا ہے، اس گرم موسم میں برطانوی خاتون نے 40 ڈگری سینٹی گریڈ درجۂ حرارت میں اپنے باغ میں ایک فرائی پین پر انڈہ تلنے کی کوشش کی ہے۔
جارجیا لیوی نے خالی فرائی پین کو ایک پتھر کے اوپر سورج کی روشنی میں ایک گھنٹے کے لیے چھوڑ دیا تھا۔
ایک گھنٹے بعد فرائی پین میں گھی ڈال کر انڈہ تلا گیا تو کافی حد تک کامیابی حاصل ہوئی۔
اس کی ویڈیو جارجیا لیوی نے انسٹا گرام پر شیئر بھی کی۔
لائبریری آف کانگریس کے مطابق انڈے کو پکانے کے لیے 70 سینٹی گریڈ درجۂ حرارت کی ضرورت ہوتی ہے۔
مگر شدید گرمی میں بھی ایسی کوشش کی جاسکتی ہے البتہ فرش پر زیادہ کامیابی کا امکان نہیں ہوتا۔
بشکریہ جنگ
Comments are closed.