پاکستان کی شاندار فتح پر شاہد آفریدی نے کیا کہا؟

سابق قومی کرکٹ ٹیم کے کپتان شاہد آفریدی کا کہنا ہے کہ گال میں ٹیسٹ میچ شاندار رہا، عبداللّٰہ شفیق کی غیر معمولی اننگز ہمیشہ یاد رہے گی۔

سماجی رابطے کی سائٹ ٹوئٹر پر جاری اپنے پیغام میں شاہد آفریدی نے کہا کہ یہ اننگز عبداللّٰہ شفیق کو بڑا اسٹار بنائے گی۔

شاہد آفریدی کا کہنا ہے کہ سری لنکا کوبھی کریڈٹ جاتا ہے جنہوں نے اچھا مقابلہ کیا۔

پاکستان نے پہلے ٹیسٹ میچ میں سری لنکا کو شکست دے دی۔

واضح رہے کہ پاکستان نے پہلے ٹیسٹ میچ میں سری لنکا کو شکست دے دی، میزبان ٹیم کی جانب سے دیے گئے 342 رنز کا ہدف قومی ٹیم نے 6 وکٹوں کے نقصان پر حاصل کر لیا۔

پاکستان کی طرف سے ہدف کے تعاقب میں عبداللّٰہ شفیق نے شاندار بیٹنگ کا مظاہرہ کیا، انہوں نے 160 رنز کی ناقابلِ شکست اننگز کھیلی، جس میں 7 چوکے اور ایک چھکا شامل تھا۔

بشکریہ جنگ