ڈالر پاکستانی تاریخ کی بلند ترین سطح پر پہنچ گیا

روپے کے مقابلے میں امریکی ڈالر کی قدر میں اضافہ جاری ہے اور ڈالر ملکی تاریخ کی بلند ترین سطح پر پہنچ گیا ہے۔

انٹر بینک میں امریکی ڈالر 3 روپے 80 پیسہ مہنگا ہوکر 214 روپے 75 پیسے کا ہو گیا۔

اوپن مارکیٹ میں ڈالر 4 روپے مہنگا ہونے کے بعد 215 روپے کا ہو گیا۔

واضح رہے کہ اس سے قبل جون میں امریکی ڈالر 211 روپے 48 پیسے کی سطح پر پہنچا تھا۔

اُدھر عالمی منڈی میں خام تیل کی قیمت میں 2 فیصد اضافہ ہوا ہے۔

عالمی مارکیٹ میں برینٹ خام تیل 103 اور ڈبلیو ٹی آئی 99 ڈالر پر ٹریڈ ہو رہا ہے۔

دوسری جانب پاکستان اسٹاک ایکسچینج میں کاروبار کا منفی رجحان ہے۔

100 انڈیکس 773 پوائنٹس کم ہوکر 41301 پر آ گیا۔

بشکریہ جنگ