تحریکِ انصاف کی جیت پر عمران خان کے ہمشکل کا جشن
گزشتہ روز پنجاب کے 20 حلقوں میں ہونے والے ضمنی انتخابات کے غیر حتمی و غیر سرکاری نتائج کے مطابق پاکستان تحریکِ انصاف (پی ٹی آئی) نے 15 نشستوں پر کامیابی حاصل کر لی۔
ضمنی انتخابات کے جیسے ہی غیر حتمی و غیر سرکاری نتائج سامنے آنے لگے میمرز نے بھی اپنی اپنی سیٹس سنبھالیں اور خوب میمز بنا کر عوام کو ہنسایا۔
کسی پوسٹ میں مسلم لیگ ن تو کسی میں پاکستان تحریکِ انصاف کا مذاق بنایا گیا۔
تحریکِ انصاف کی واضح جیت پر میمرز نے بنی گالہ سے بھی لائیو مناظر کی منظر کشی کرنے کی بھرپور کوشش کی۔
سوشل میڈیا سائٹس پر وائرل ہوتی ایک ویڈیو میں دیکھا جا سکتا ہے کہ چیئرمین تحریکِ انصاف عمران خان کا ایک ہمشکل مشہور گانے پر بھرپور ڈانس کر رہا ہے۔
کسی میمر نے اسے شیئر کرتے ہوئے پوسٹ کے کیپشن میں لکھا ہے کہ ’بنی گالہ کے مناظر کچھ ایسے ہیں،‘ تو کسی نے لکھا ہے کہ ’پاکستان تحریکِ انصاف کے ووٹرز اپنی جیت کا جشن مناتے ہوئے‘۔
واضح رہے کہ پنجاب کے ضمنی انتخابات میں پاکستان تحریکِ انصاف 15 سیٹوں کے ساتھ پہلے، مسلم لیگ ن 4 نشستوں کے ساتھ دوسرے نمبر رہی پر جبکہ 1 نشست پر آزاد امیدوار کامیاب ہوا ہے۔
Comments are closed.