علی امین گنڈاپور، مقبول گجر پر سوچ سمجھ کر پابندی لگائی، عطا تارڑ

وزیر داخلہ پنجاب عطا تارڑ نے کہا ہے کہ علی امین گنڈا پور اور مقبول گجر پر سوچ سمجھ کر پابندی لگائی۔

جیو نیوز کے پروگرام نیا پاکستان میں گفتگو کے دوران عطا تارڑ نے کہا کہ علی امین گنڈا پور اور مقبول گجر کا ماضی ایسا رہا ہے کہ یہ اسلحہ سے لیس آتے ہیں۔

عوامی مسلم لیگ کے سربراہ اور سابق وزیر داخلہ شیخ رشید کے نزدیک حالیہ ضمنی انتخابات میں عمران خان اور ن لیگ کے ووٹ برابر ہیں۔

انہوں نے کہا کہ ان دونوں رہنماؤں سے متعلق ہمارے پاس مصدقہ اطلاعات تھیں، بڑی سوچ سمجھ کر پابندی لگائی گئی۔

وزیر داخلہ پنجاب نے مزید کہا کہ علی امین گنڈاپور خیبر پختونخوا کے بلدیاتی الیکشن میں پولیس گاڑی میں بیلٹ بکس لے کر فرار ہوئے تھے۔

اُن کا کہنا تھا کہ شبلی فراز سے متعلق پنجاب حکومت نے صوبہ چھوڑنے کی کوئی ہدایات نہیں دیں۔

عطا تارڑ نے یہ بھی کہا کہ جس کے قبضے سے شناختی کارڈ برآمد ہوئے، اس کے فون سے فرخ حبیب کے ساتھ بات چیت ملی ہے۔

اُن کا کہنا تھا کہ دھاندلی سے متعلق ثبوت ہم فراہم کررہے ہیں، ہمارے خلاف دھاندلی کا کوئی ثبوت نہیں۔

بشکریہ جنگ