ویرات کوہلی کا بابر اعظم کو شاندار الفاظ میں جواب

بھارتی کرکٹ ٹیم کے سابق کپتان اور مایہ ناز بیٹر ویرات کوہلی نے پاکستانی کپتان بابر اعظم کے حوصلہ افزائی سے بھرپور الفاظ کا شاندار جواب دیا ہے۔

آج بابر اعظم نے ویرات کوہلی کی آؤٹ آف فارم پرفارمنس کی وجہ سے ہر جانب سے ہو رہی تنقید پر بیٹر کا حوصلہ شاندار الفاظ میں بڑھایا۔

بھارتی ٹیم کے سابق کپتان نے بابر اعظم کے اُسی پیغام کے نیچےجواب دیا اور پاکستانی کپتان کے الفاظ پر شکریہ ادا کیا اور نیک خواہشات ظاہر کیں۔

بابر اعظم جنہوں نے ویرات کوہلی کے نام لکھے گئے اپنے پیغام میں کہا تھا کہ ’یہ وقت بھی گزر جائے گا، آپ مضبوط رہیں‘۔

ان کا سابق بھارتی کپتان کے لیے دیا گیا یہ پیغام وائرل ہو گیا، جس پر ویرات کوہلی نے جواب دیتے ہوئے لکھا کہ’ہمیشہ چمکتے دمکتے رہیں اور ترقی کریں‘۔

ویرات کوہلی جمعرات کو لارڈز میں انگلینڈ کے خلاف دوسرے ایک روزہ میچ میں صرف 16 رنز بنا کر پویلین لوٹ گئے تھے، سابق بھارتی کپتان ان دنوں اپنی پرفارمنس کی بنیاد پر شدید تنقید کی زد میں ہیں۔

بشکریہ جنگ