شاہین آفریدی نے گال ٹیسٹ کے دوسرے دن کے پہلے سیشن کو اہم قرار دے دیا

پاکستانی فاسٹ بولر شاہین شاہ آفریدی نے گال ٹیسٹ کے دوسرے دن کے پہلے سیشن کو بہت اہم قرار دیا ہے۔

گال میں ٹیسٹ میچ کے پہلے دن کے اختتام پر میڈیا سے گفتگو میں شاہین شاہ آفریدی نے کہا کہ میچ کی ابتدا میں جلد وکٹیں ملیں تو کوشش تھی 150 کے اندر سری لنکا کی ٹیم کو آؤٹ کر دیں گے۔

انہوں نے کہا کہ سری لنکن ٹیم کے آخری بیٹسمین اچھا کھیلے، چندی مل نے ذمے دارنہ اننگز کھیلی۔

پاکستانی فاسٹ بولر نے مزید کہا کہ گال اسٹیڈیم کی وکٹ سلو ہے، فاسٹ بولرز کو اضافی جان مارنی پڑتی ہے، کل کا پہلا سیشن پاکستان ٹیم کیلئے بہت اہم ہو گا۔

شاہین شاہ آفریدی کا یہ بھی کہنا تھا کہ آج 30 اوورز کے بعد گیند ریورس سوئنگ ہورہی تھی۔

بشکریہ جنگ