موسم کی خرابی کے باعث ٹرینوں کی آمد و رفت متاثر

ملک بھر میں طوفانی بارش اور موسم کی خرابی کی وجہ سے ٹرینوں کی آمد و رفت میں تاخیر ہوئی ہے۔

ترجمان پاکستان ریلوے کے مطابق پاکستان ایکسپریس دوپہر 1 بجے کے بجائے ڈھائی بجے روانہ ہو گی جبکہ علامہ اقبال ایکسپریس دوپہر 2 بجے کے بجائے 3 بجے روانہ ہو گی۔

ترجمان نے بتایا ہے کہ پاک بزنس ایکسپریس 4 بجے کے بجائے شام 5:15 پر روانہ ہوگی جبکہ کراچی ایکسپرس شام 04:30 کے بجائے 5:45 پر روانہ ہو گی۔

محکمۂ موسمیات نے کراچی سمیت سندھ کے مختلف اضلاع میں آج سے تیز بارش کا امکان ظاہر کیا ہے۔

شاہ حسین ایکسپرس 07:30 کے بجائے رات 10:15 پر روانہ ہو گی۔

ترجمان پاکستان ریلوے نے یہ بھی کہا ہے کہ بقیہ تمام ٹرینیں اپنے مقررہ اوقات پر روانہ ہوں گی۔

بشکریہ جنگ