چند سیکنڈز میں پورے سال کا نظارہ، ویڈیو وائرل

عکس بندی جب شوق بن جائے تو تخلیق اپنے عروج پر پہنچ جاتی ہے، ایسا ہی کچھ ایک وائرل ویڈیو میں دیکھا جا سکتا ہے۔ 

غیر ملکی میڈیا کی رپورٹ کے مطابق اس ویڈیو کو ایک یوٹیوبر نے ریکارڈ کیا اور انہوں نے بتایا کہ یہ کینیڈا میں ان کے گھر جانے والا عقبی راستہ ہے۔ 

ان کا یہ بھی کہنا تھا کہ یہ ویڈیو انہوں نے اس لیے ریکارڈ کی کہ وہ ہر بدلتے موسم کو اس ایک ہی مقام سے ریکارڈ کر سکیں۔ 

یوٹیوبر نے یہ بھی بتایا کہ انہوں نے اس ویڈیو کو نومبر 2020 سے لے کر نومبر 2021 تک ریکارڈ کیا۔ 

انٹرنیٹ پر صارفین نے دلچسپ تبصروں کا سلسلہ شروع کیا، جس میں سے ایک نے اس عکس بندی کو عمدہ قرار دیا۔ 

ایک نے دلچسپ انداز میں کہا کہ اگر یہ میں اپنے علاقے میں ریکارڈ کرتا تو یہ صرف ایک تصویر ہی رہتی۔ 

بشکریہ جنگ