فواد چوہدری پی پی 140 کی انتخابی مہم میں متحرک ہوگئے

سابق وفاقی وزیر فواد چوہدری پی پی 140 شیخوپورہ کی انتخابی مہم میں متحرک ہوگئے۔

فواد چوہدری پارٹی قائد عمران خان کی ہدایت پرپنجاب اسمبلی کے ضمنی الیکشن کی انتخابی مہم کا حصہ بنے ہیں۔

انہوں نے شیخوپورہ میں کارنر میٹنگز سے خطاب کیا اور کہا کہ پہلی بار ضمنی الیکشن کچھ لوگوں کے ضمیر مرجانے پر ہورہے ہیں۔

سابق وفاقی وزیر نے کہا کہ پہلے ضمنی الیکشن کسی امیدوار کے انتقال کرجانے کی وجہ سے ہوتے تھے،یہ پہلی بار ہے کہ انتخابی عمل کچھ لوگوں کے ضمیر مرنے پر ہورہا ہے۔

ان کا کہنا تھاکہ اتنے بڑے سمندر کے سامنے کوئی نہیں ٹھہرتا،انتظامیہ ملازم ہے،اُسے بھی ٹھیک کرلیں گے،یکطرفہ الیکشن ہے، کوئی دھاندلی نہیں ہوسکتی۔

فواد چوہدری نے مزید کہاکہ پاکستان میں حکومت کس کی ہوگی،فیصلہ امریکا نہیں کرسکتا،ووٹ نہ دیا تو پاکستان ہمیشہ کیلئےغلامی کی زنجیروں میں جکڑا رہےگا۔

انہوں نے یہ بھی کہا کہ اگر کسی کا کوئی ذاتی اختلاف ہےتو پس پشت ڈال کر پی ٹی آئی کو ووٹ دیں۔

بشکریہ جنگ