بارش میں رہنے کی جگہ چاہیے تو ہیلپ لائن 1736 پر رابطہ کریں: شرجیل میمن

وزیراطلاعات سندھ شرجیل میمن کا کہنا ہے کہ بارش کے باعث کسی کو رہنے کی جگہ چاہیے تو ہیلپ لائن 1736 پر رابطہ کریں۔

شرجیل میمن نے کراچی میں بارشوں کے بعد پیدا ہونے والی صورتِ حال پر اپنے بیان میں کہا ہے کہ سنگین صورتِ حال میں سندھ حکومت رہنے کی جگہ فراہم کرنے کو تیار ہے۔

ان کا کراچی میں شدید بارشوں کے پیشِ نظر سڑکوں پر موجود پانی سے متعلق کہنا ہے کہ ہم لوگ اس وقت تک نہیں سوئیں گے جب تک نکاسی مکمل نہ ہو جائے۔

شرجیل میمن نے یہ بھی کہا ہے کہ سڑکوں سے پانی کی نکاسی کے لیے سندھ حکومت سڑکوں پر موجود ہے۔

بشکریہ جنگ