تیل کمپنیوں نے کراچی میں پیٹرول کی سپلائی روک دی

شدید بارش کے باعث تیل کمپنیوں کی جانب سے کراچی میں پیٹرول کی سپلائی روک دی گئی۔

پیٹرولیم ریٹیلرز ایسوسی ایشن کے چیئرمین سمیر حسین کے اعلامیے کے مطابق کراچی میں بارش کے باعث سڑکوں کی صورتِ حال خراب ہے۔

ان کا کہنا ہے کہ تقریباً تمام تیل کمپنیوں نے تیل کی سپلائی روکی ہے، راستے بحال ہوتے ہی تیل کی سپلائی شروع ہو جائے گی۔

شہرِ قائد کو بارش برسانے والے بادلوں نے اپنی لپیٹ میں لیا ہوا ہے، اس لیے مختلف علاقوں میں دن بھر موسلا دھار بارش ہو سکتی ہے۔

پیٹرولیم ریٹیلرز ایسوسی ایشن کے چیئرمین کا مزید کہنا ہے کہ متعدد پیٹرول پمپس پانی میں ڈوب گئے، سپلائی بحال نہ ہوئی تو قلت کا خدشہ ہے۔

دوسری جانب محکمۂ موسمیات کا کہنا ہے کہ شہرِ قائد کو بارش برسانے والے بادلوں نے اپنی لپیٹ میں لیا ہوا ہے، اس لیے مختلف علاقوں میں مزید موسلا دھار بارش ہو سکتی ہے۔

کراچی کے مختلف علاقوں میں وقفے وقفے سے کل رات سے تیز بارش کے باعث شہر کے متعدد علاقے پانی میں ڈوب گئے، کرنٹ لگنے سے اور دیوار تلے دب کر 4 افراد جاں بحق ہو گئے۔

بشکریہ جنگ