مسجد الحرام میں پاکستانی حجاج کی جنرل قمر جاوید باجوہ کو دعائیں

مسجد الحرام میں پاکستانی حجاج کرام نے پاک فوج کے سربراہ جنرل قمر جاوید باجوہ کو دعائیں دیں اور ان کے ساتھ سیلفیاں بھی بنوائیں۔

پاک فوج کے سربراہ جنرل قمر جاوید باجوہ نے حج بیت اللّٰہ کی سعادت حاصل کر لی۔

اس موقع پر انہوں نے پاکستان، امن و استحکام اور شہداء کے لیے خصوصی دعائیں بھی کیں۔

گزشتہ روز مسجد الحرام میں آرمی چیف جنرل قمر جاوید باجوہ کو پاکستانی عازمینِ حج نے گھیرے میں لے لیا، ان کے ساتھ محبت کا اظہار کیا، سیلفیاں بنوائیں۔

آرمی چیف بھی عازمینِ حج میں گھل مل گئے، اس موقع پر انہوں نے لوگوں سے مخاطب ہو کر کہا کہ پاکستان کے لیے دعا کریں۔

جمع ہونے والے عازمینِ حج نے آرمی چیف کو دعا دی کہ اللّٰہ تعالیٰ آپ کو لمبی زندگی عطاء کریں، آمین۔

بشکریہ جنگ