کراچی: کرنٹ لگنے سے 3 افراد جاں بحق

ملک کے سب سے بڑے شہر کراچی کے مختلف علاقوں میں وقفے وقفے سے جاری بارش کے دوران کرنٹ لگنے سے 3 افراد جاں بحق ہو چکے ہیں۔

ریسکیو حکام کے مطابق کورنگی کے علاقے بلال کالونی میں کرنٹ لگنے سے ایک شخص جاں بحق ہوا ہے، جس کی شناخت 62 سالہ علی شیر خان کے نام سے ہوئی ہے۔

دوسری جانب گارڈن شو مارکیٹ کے قریب کرنٹ لگنے سے 2 افراد جاں بحق ہوئے ہیں۔

شہرِ قائد کو بارش برسانے والے بادلوں نے اپنی لپیٹ میں لیا ہوا ہے، اس لیے مختلف علاقوں میں دن بھر موسلا دھار بارش ہو سکتی ہے۔

واضح رہے کہ کئی روز سے شہرِ قائد میں بارش جاری ہے، گزشتہ روز عیدِ قرباں کے موقع پر بھی مختلف علاقوں میں موسلا دھار بارش ہوئی۔

محکمۂ موسمیات نے شہرِ قائد میں آج دن بھر بھی وقفے وقفے سے موسلادھار بارش ہونے کی پیش گوئی کی ہے۔

بشکریہ جنگ