ویڈیو: کراچی میں قربانی کا جانور بےقابو، قصائی ہلاک

کراچی کے علاقے گلستان جوہر بلاک ون میں قربانی کے لیے لائی گئی گائے کی ٹکر سے قصائی ہلاک ہوگیا۔

پولیس کا کہنا ہے کہ واقعے کے حوالے سے علم ہے، متوفی کی لاش ورثہ کے حوالے کردی گئی ہے۔

دوسری جانب واقعے کی سی سی ٹی وی اور موبائل وڈیو منظرِ عام پر آگئی ہے جس میں دیکھا جاسکتا ہے کہ صبح سویرے قصائی کی ٹیم قربانی کے لیے شہری کے گھر پہنچی تھی۔

 گائے کو گرانے کی کوشش کی گئی لیکن وہ گر تو نہ سکی لیکن بےقابو ہوکر قصائی کو پہلے ٹکر ماری اور پھر اسے گھسیٹ کر لے گئی۔

ساتھ موجود دیگر قصائیوں نے گائے کو پکڑنے کی کوشش کی لیکن وہ قابو نہ آسکی اور بھاگتی چلی گئی۔ 

بشکریہ جنگ