غیر رسمی طور پر پتنگ کی حمایت کا اعلان کیا ہے: فاروق ستار

سربراہ ایم کیو ایم بحالی کمیٹی ڈاکٹر فاروق ستار نے کہا ہے کہ اُنہوں نے غیر رسمی طور پر پتنگ کی حمایت کا اعلان کیا ہے۔

کراچی میں میڈیا سے گفتگو کرتے ہوئے ڈاکٹر فاروق ستار نے کہا کہ این اے 245 میں معید انور کی حمایت کا اعلان کرتا ہوں۔

فاروق ستار نے کہا کہ چند دنوں میں ایم کیو ایم پاکستان میں شامل ہوجاؤں گا۔

ڈاکٹر خالد مقبول صدیقی نے ڈاکٹر فاروق ستار کے تمام تحفظات دور کردیے، معاملات طے پاگئے، عید کے بعد فاروق ستار کا پارٹی میں واپسی کا اعلان متوقع ہے۔

دوسری جانب رہنما ایم کیو ایم معید انور نے میڈیا سے گفتگو کرتے ہوئے کہا کہ فاروق ستار کو بھرپور طریقے سے خوش آمدید کہیں گے۔

معید انور نے کہا کہ فاروق ستار کو عزت و احترام کے ساتھ پارٹی میں جگہ دیں گے۔

بشکریہ جنگ