عمران خان نے عیدِ قرباں پر کیا پیغام دیا؟

سابق وزیراعظم اور چیئرمین پی ٹی آئی عمران خان کی جانب سے دنیا بھر کے مسلمانوں کو عید الاضحٰی کی مبارکباد دی گئی ہے۔

سوشل میڈیا پر جاری کیے گئے پیغام میں عمران خان نے کہا کہ عیدِ سعید جو ہمیں عظیم قربانی کی یاد دلاتی ہے۔

عمران خان نے عیدِ قرباں کے موقع پر مقبوضہ کشمیر اور فلسطین کے مظلوم عوام کو بھی یاد کیا۔

اُنہوں نے کہا کہ خوشیاں مناتے اور رب العزت کے احسانات پر کلماتِ شکر ادا کرتے ہوئے آئیے جبر اور ظالمانہ تسلط کے شکار اپنے پیاروں سے محروم اہلِ کشمیر و فلسطین کو یاد کرتے ہوئے ان کے لیے دستِ دعا دراز کیجئے۔

واضح رہے کہ پاکستان بھر میں مسلمان آج عیدالاضحیٰ مذہبی عقیدت و احترام سے منا رہے ہیں اور مسلمان سُنتِ ابراہیمی کی ادائیگی کرتے ہوئے اللّہ کے حضور جانوروں کی قربانی پیش کر رہے ہیں۔

بشکریہ جنگ