کراچی، بیشتر علاقوں میں بارش شروع

کراچی کے بیشتر علاقوں میں پھر سے بارش شروع ہوگئی، کلفٹن اور ڈیفنس میں تیز بارش ہورہی ہے۔

محکمہ موسمیات کا کہنا ہے کہ آج سارا دن مختلف علاقوں میں وقفے وقفے سے بارش جاری رہے گی۔

چیف میٹرولوجسٹ سردار سرفراز کا کہنا ہے کہ مون سون سسٹم میں شدت برقرار ہے، کراچی میں بارش کا سلسلہ ہفتے کی شام یا رات تک جاری رہے گا۔

سردار سرفراز کا کہنا ہے کہ شہر کے مضافات میں تیز بارش ہوسکتی ہے جبکہ نشیبی علاقوں میں اربن فلڈنگ کا خدشہ رہے گا۔

واضح رہے کہ کراچی میں رواں ہفتے سے وقفے وقفے سے تیز اور ہلکی بارش کا سلسلہ جاری ہے جس کے باعث بعض سڑکوں اور گلیوں میں پانی جمع ہے۔

بشکریہ جنگ