ویڈیو: نشے میں دھت شخص نے ممبئی کو مالدیپ بنادیا

بھارت سے ایک شخص کی نشے کی حالت میں بارش کے پانی سے لطف اندوز ہونے کی ایک مزاحیہ ویڈیو سوشل میڈیا پر وائرل ہو رہی ہے۔

ممبئی میں پیر سے ہونے والی موسلادھار بارش نے شہریوں کے لیے زبردست مشکلات پیدا کر دی ہیں، سڑکوں پر پانی جمع ہونے اور بارش سے متعلقہ دیگر واقعات کی وجہ سے شہر میں ٹریفک کا نظام درہم برہم ہو کر رہ گیا ہے۔ 

اسی درمیان سوشل میڈیا پر ایک شخص کی ایک ویڈیو وائرل ہو رہی ہے جس میں وہ ممبئی کے ایک ایسے علاقے میں نظر آ رہا ہے جو مکمل طور پر پانی میں ڈوبا ہوا ہے۔

ویڈیو میں یہ شخص پانی بھری سڑک پر سکون سے لیٹا نظر آ رہا ہے جبکہ اُس کے آس پاس سے بسیں اور کار یں گزرتے ہوئے اس پر پانی کے چھینٹے مار رہی ہیں۔

ٹوئٹر صارف نے ویڈیو شیئر کرتے ہوئے مزاحیہ انداز میں لکھا کہ اس شخص نے تو ممبئی میں مالدیپ کا احساس دلا دیا۔

صارف نے لکھا کہ بھیگی بھیگی سڑکوں پر انتظار تیرا کروں۔

دوسری جانب سوشل میڈیا صارفین کی جانب سے بھی ویڈیو پر دلچسپ تبصروں کا سلسلہ جاری ہے۔

بشکریہ جنگ