دُنیا کے سب بڑے مرغے کی ویڈیو وائرل

دنیا کا سب سے بڑا مرغا دیکھ کر سوشل میڈیا صارفین دنگ رہ گئے جس کی ویڈیو وائرل ہو رہی ہے۔

سوشل میڈیا سائٹ انسٹا گرام پر ایک ویڈیو وائرل ہو رہی ہے جس میں 3 فٹ لمبے برہما مرغے کو پنجرے سے نکلتا ہوا دکھایا گیا ہے۔

شروع میں تو یہ ایک دیو ہیکل مرغ کی طرح لگتا ہے لیکن جیسے ہی یہ اپنے پر پھڑپھڑاتا ہے اور کھڑا ہوتا ہے تو مرغے کی جسامت دیکھ کر صارفین حیران رہ گئے۔

سوشل میڈیا پر وائرل ہونے والی ویڈیو میں موجود یہ مرغا ایک فارم پر رہتا ہے اور اس کا وزن 7.7 کلو گرام ہے۔

ویڈیو پرانی ہے اور حال ہی میں انسٹا گرام کے جانوروں والے اکاؤنٹ پر دوبارہ منظرِ عام پر آئی تھی جسے اب تک 55 ہزار سے زائد لائکس ملے ہیں۔

بشکریہ جنگ