کرکٹر ذوالقرنین حیدر PCB کی امداد کے منتظر
کرکٹر ذوالقرنین حیدر معدے کے عارضے میں مبتلا ہوگئے ہیں، وہ غیر ملکی لیگ کے دوران معدے کی بیماری کا شکار ہوئے ہیں۔
لاہور میں میڈیا سے گفتگو کرتے ہوئے ذوالقرنین حیدر نے کہا کہ عمان میں باسی کھانا کھانے سے معدے میں انفیکشن ہوا۔
انہوں نے کہا کہ وطن واپسی پر اسپتال میں علاج کرایا ہے، بیرون ملک علاج کے اخراجات نہیں اٹھا سکتا تھا۔
ذوالقرنین حیدر کا یہ بھی کہنا ہے کہ پاکستان کرکٹ بورڈ (پی سی بی) نے رابطہ کیا اور ایک ٹیم اسپتال بھیجی تھی، امید دلائی گئی ہے کہ میڈیکل اخراجات میں سپورٹ کیا جائے گا، امید ہے جلد میرے بل کلیئر کردیے جائیں گے اور یہ میراحق بھی ہے۔
ذوالقرنین حیدر کی بیٹی کا کہنا ہے کہ میرے والد کرکٹ سے وابستہ رہے لیکن انہیں اب نوکری کی ضرورت ہے۔
انہوں نے یہ بھی کہا کہ میرے والد اب باہر جا کر کھیلنے کے قابل نہیں ہیں، ہم چاہتے ہیں کہ کرکٹ بورڈ میرے والد کے لیے نوکری کا بندوبست کرے۔
خیال رہے کہ 2010 میں ذوالقرنین حیدر جنوبی افریقہ کے خلاف متحدہ عرب امارات میں کھیلی جانے والی سیریز کےدوران اچانک لندن چلے گئے تھے ۔
جیو نیوز سے بات کرتے ہوئے ذولقرنین حیدر نے الزام لگایا تھا کہ کرکٹر عمر اکمل نے ان کو دھمکایا تھا۔
انہوں نے کہا تھا کہ2010 میں ان لوگوں نے مجھے ڈرایا دھمکایا، میں کم عمر تھا دباؤ برداشت نہیں کرسکا۔
Comments are closed.