اپوزیشن لیڈر سندھ اسمبلی حلیم عادل شیخ زیر حراست

پاکستان تحریک انصاف کے رہنما اور اپوزیشن لیڈر سندھ اسمبلی کے ترجمان نے دعویٰ کیا ہے کہ حلیم عادل شیخ کو سادہ لباس اہلکاروں نے لاہور سے حراست میں لے لیا ہے جبکہ پولیس نے تاحال ان کی گرفتاری کی تصدیق نہیں کی۔

ترجمان کا کہنا ہے کہ حلیم عادل شیخ کو ان کے ایک عزیز کے گھر سے حراست میں لیا گیا ہے۔

ترجمان کے مطابق حلیم عادل شیخ منگل کو لاہور پہنچے تھے، انہیں حراست میں لینے والوں کا تعلق کس ادارے سے تھا وہ نہیں بتایا گیا۔

حلیم عادل شیخ کے ترجمان کی جانب سے جاری کردہ اس بیان پر پولیس کی تاحال تصدیق سامنے نہیں آئی ہے۔

بشکریہ جنگ