کشمیر پریمیئر لیگ کے شیڈول کا اعلان کردیا گیا

کشمیر پریمیئر لیگ (کے پی ایل) کے دوسرے ایڈیشن کے شیڈول کا اعلان کردیا گیا۔

ترجمان کے پی ایل کا کہنا ہے کہ کشمیر پریمیئر لیگ میں 25 ٹی ٹوئنٹی ڈے اینڈ نائٹ میچز کھیلے جائیں گے، جن کی ابتدائی تاریخیں 11 سے 25 اگست تک رکھی گئی ہیں۔

ترجمان نے کہا کہ کشمیر پریمیئر لیگ کی براڈ کاسٹنگ پاکستان سپر لیگ (پی ایس ایل) کے معیار جیسی ہوگی۔

انہوں نے کہا کہ مظفر آباد کرکٹ اسٹیڈیم کشمیر پریمیئر لیگ کے دوسرے ایڈیشن کی میزبانی کرے گا۔

ترجمان کا یہ بھی کہنا ہے کہ اسپائے کیم، ہاک آئی اور بگی کیم کی مدد سے کےپی ایل کی پروڈکشن کی جائےگی۔

بشکریہ جنگ