مولانا فضل الرحمٰن کے بیان پر شوکت یوسفزئی کا ردعمل

خیبر پختونخوا کے صوبائی وزیر شوکت یوسفزئی کا کہنا ہے کہ کیا موجودہ مہنگائی کے ذمہ دار بھی مولانا فضل الرحمٰن خود کو سمجھتے ہیں۔

مولانا فضل الرحمٰن کے بیان پر ردعمل دیتے ہوئے شوکت یوسفزئی نے کہا کہ مولانا فضل الرحمٰن نے نہیں ڈالروں نے عمران خان کی حکومت ختم کرائی۔

انہوں نے کہا کہ مہنگائی نے غریب کی کمر توڑ دی ہے، اسمبلیاں توڑ کر فوری انتخابات کرائے جائیں۔

ان کا یہ بھی کہنا تھا کہ نئے انتخابات کے سوا ملک کے مسائل کا کوئی حل نہیں۔

اسلام آباد پاکستان ڈیموکریٹک موومنٹ کے صدر اور…

خیال رہے کہ گزشتہ روز سیمینار سے خطاب کرتے ہوئے پاکستان ڈیموکریٹک موؤمنٹ کے صدر اور جمعیت علمائے اسلام کے امیر مولانا فضل الرحمٰن نے کہا تھا کہ عمران خان کو اقتدار سے ہٹانے کی سازش میں نے کی تھی۔

مولانا فضل الرحمٰن نے یہ بھی کہا تھا کہ گزشتہ حکومت ناجائز اور دھاندلی سے آئی تھی۔

بشکریہ جنگ