پی ٹی آئی کا بیانیہ جھوٹ اور آئی ایس پی آر کا بیان حرفِ آخر ہے، شرجیل میمن

وزیر اطلاعات سندھ شرجیل انعام میمن نے کہا ہے کہ پی ٹی آئی کا بیانیہ جھوٹا ہونے پر آئی ایس پی آر کا بیان حرف آخر ہے۔

ایک بیان میں شرجیل میمن نے کہا کہ پی ٹی آئی والے جھوٹا بیانیہ مسترد ہونے پر اداروں پر کیوں برہم ہو رہے ہیں؟

ان کا کہنا تھا کہ پی ٹی آئی کے جھوٹے بیانیہ کو ادارے کیسے درست کہیں؟ سب کو علم ہے سازش والا خط کس نے لکھوایا۔

انہوں نے کہا کہ زبردستی جھوٹ کو سچ نہیں بنایا جاسکتا، پی ٹی آئی اپنے جھوٹے بیانیہ کے لیے اداروں کو نشانہ نہ بنائے۔

صوبائی وزیر نے مزید کہا کہ پاکستانی معیشت تباہ کرنے کا آسکر ایوارڈ عمران خان کو ملنا چاہیے۔

بشکریہ جنگ