گزشتہ حکومت نے ریکارڈ قرضے لیے، مفتاح اسماعیل

وزیر خزانہ مفتاح اسماعیل نے کہا کہ گزشتہ حکومت نے ریکارڈ قرضے لیے۔ توانائی کے شعبے کو 1100 ارب روپے کی سبسڈی دی، بجلی کی قیمتیں گزشتہ برس بڑھائی گئیں، نوٹیفکیشن اب آیا ہے۔

نیشنل بجٹ کانفرنس سے خطاب کرتے ہوئے مفتاح اسماعیل نے کہا کہ رواں سال ترقیاتی بجٹ 550 ارب روپے ہے، اس بجٹ کو زیادہ تر سراہا گیا ہے۔

انہوں نے کہا کہ بجٹ میں بہت ساری چیزیں مجبوراً کرنی پڑتی ہیں۔

وزیر خزانہ نے سابق وزیراعظم پر تنقید کرتے ہوئے کہا کہ تمام وزرائے اعظم نے جتنا قرض لیا اس کا 80 فیصد عمران خان نے لیا۔

انہوں نے کہا کہ جب میں نے یہ بات سب کے سامنے رکھی تو شوکت ترین نے کہا 80 فیصد نہیں 76 فیصد لیا ہے۔

مفتاح اسماعیل کا کہنا تھا کہ عمران خان نے 79 فیصد زیادہ قرض لیا۔

انہوں نے کہا کہ 1100 ارب روپے اس سال پاور سبسڈی کو دیے گئے، نیپرا کا سسٹم کافی پیچیدا ہے۔ ایک گھنٹہ یہ سمجھنے میں لگا کہ بلنگ کا سسٹم کیسے کام کرتا ہے۔

مفتاح اسماعیل نے کہا کہ گیس کے شعبے کا گردشی قرضہ 1500 ارب روپے تک بڑھ چکا ہے۔

انہوں نے مزید کہا کہ اگلے سال کے لیے ترقیاتی بجٹ 800 ارب روپے رکھا گیا ہے۔

بشکریہ جنگ