زرعی زمین پر ریئل اسٹیٹ کے کام کے خلاف ہوں، بلاول بھٹو زرداری

وزیر خارجہ بلاول بھٹو زرداری کا کہنا ہے کہ وہ ذاتی طور پر زرعی زمین پر ریئل اسٹیٹ کے کام کے خلاف ہیں۔

پارلیمنٹ میں اظہار خیال کرتے ہوئے بلاول بھٹو نے کہا کہ زرعی نظام بہتر کیا جائے تو نہ صرف ملکی غذائی ضروریات پوری کی جاسکتی ہیں، بلکہ غذائی اشیاء برآمد بھی کی جاسکتی ہیں۔

وزیر خارجہ نے کہا کہ عمران خان کے خلاف تحریک عدم اعتماد کا ان کے دورہ روس سے کوئی تعلق نہیں ہے۔ روس یوکرین جنگ سے متعلق پاکستان کا وہی موقف ہے جو پچھلی حکومت کا تھا۔

انہوں نے کہا کہ  ہم چاہتے ہیں کہ ڈپلومیسی اور ڈائیلاگ کے ذریعے روس یوکرین جنگ ختم ہو۔

بشکریہ جنگ