کراچی میں ترک کمپنی کو یورپی معیار کی الیکٹرک بسیں لانے کی دعوت
وزیر ٹرانسپورٹ سندھ شرجیل میمن نے ترکی کی کمپنی کو کراچی میں یورپی معیار کی الیکٹرک بسیں لانے اور دھابیجی فری اکنامک زون میں مینوفیکچرنگ پلانٹ لگانے کی دعوت دی ہے۔
وزیر ٹرانسپورٹ سندھ شرجیل میمن سے ترک کمپنی البیارک کے ڈائریکٹر جمیل شن اوجاک نے ملاقات کی۔
شرجیل میمن نے ترک کمپنی کے ڈائریکٹر سے گفتگو کرتے ہوئے کہا کہ کراچی میٹرو پولیٹن شہر ہے جہاں بزنس کے بہترین مواقع موجود ہیں۔
انہوں نے کہا کہ کراچی میں ریڈ لائن، اورنج لائن، پیپلز بس سروس اور یلو لائن کے تحت جدید بی آر ٹی سسٹم کی منصوبہ بندی کی ہے۔
صوبائی وزیر نے ترک کمپنی کے ڈائریکٹر کو دھابیجی فری اکنامک زون میں مینوفیکچرنگ پلانٹ لگانے کی دعوت دی۔
انہوں نے کہا کہ سندھ حکومت ترک کمپنی کے ساتھ پبلک پرائیویٹ پارٹنرشپ سمیت دیگر آپشن پر کام کرنے کے لیے تیار ہے۔
ڈائریکٹر ترک کمپنی جمیل شن اوجاک نے کہا کہ پاکستان میں کام کرنے پر انہیں فخر ہے، پاکستان کے سب سے بڑے شہر کراچی میں کام کرنا چاہیں گے۔
Comments are closed.