پنجاب میں ضمنی انتخاب، PTI ٹکٹوں کی تقسیم کا فیصلہ نہ کرسکی

پنجاب اسمبلی کے 20 حلقوں میں ضمنی انتخاب کے لئے پاکستان تحریک انصاف تاحال ٹکٹوں کی تقسیم کا فیصلہ نہ کرسکی۔

ذرائع کے مطابق چیئرمین پی ٹی آئی عمران خان نے امیدواروں کے انٹرویوز مکمل کرلئے ہیں اور انہوں نے 20 حلقوں میں خود انتخابی مہم کی نگرانی کا فیصلہ بھی کیا ہے۔

ذرائع کا کہنا ہے کہ عمران خان پنجاب اسمبلی کے 20 حلقوں کا دورہ بھی کریں گے جبکہ پی ٹی آئی امیدواروں کا حتمی اعلان چند روز میں کیا جائے گا۔

وزیراعلیٰ پنجاب حمزہ شہباز نے کہا کہ چینلجز ضرور ہیں لیکن اللہ تعالیٰ کے فضل و کرم سے عزم کے ساتھ آگے بڑھیں گے۔

پنجاب اسمبلی کی 20 نشستیں پی ٹی آئی ارکان کے انحراف کی وجہ سے خالی ہوئی تھیں جہاں ضمنی انتخاب 17 جولائی کو ہوں گے۔

بشکریہ جنگ