باجوڑ: پولیس چوکی پر دستی بم حملہ، 2 اہلکار زخمی

صوبۂ خیبر پختون خوا کے ضلع باجوڑ میں پولیس چوکی پر دہشت گردوں نے دستی بم سے حملہ کیا ہے۔

ڈی پی او باجوڑ کے مطابق باجوڑ میں خار پل کے قریب واقع پولیس چوکی پر نامعلوم دہشت گردوں کی جانب سے دستی بم حملہ کیا گیا، جس کے نتیجے میں 2 اہلکار زخمی ہو گئے۔

انہوں نے بتایا ہے کہ دونوں زخمی پولیس اہلکاروں کو طبی امداد کے لیے مقامی اسپتال منتقل کر دیا گیا ہے۔

شمالی وزیرستان کے علاقے دتہ خیل میں فورسز اور دہشت گردوں کے درمیان فائرنگ کے تبادلے میں پاک فوج کے سپاہی شہید ہو گئے۔

ڈی پی او باجوڑ نے یہ بھی بتایا ہے کہ پولیس چوکی پر حملے کے بعد ملزمان باآسانی فرار ہو گئے جنہیں ناکہ بندی کر کے تلاش کیا جا رہا ہے۔

بشکریہ جنگ