پاکستان اور ویسٹ انڈیز کے درمیان آخری ون ڈے میچ آج

پاکستان اور ویسٹ انڈیز کے درمیان تیسرا اور آخری ایک روزہ میچ آج ملتان میں کھیلا جائے گا۔

میزبان ٹیم نے ابتدائی دو میچز جیت کر تین میچوں کی سیریز پہلے ہی اپنے نام کرلی ہے۔

ملتان میں دونوں ٹیموں نے ہفتے کو پریکٹس کے بجائے آرام کو ترجیح دی۔

پاکستانی ٹیم نے آئی سی سی ورلڈکپ سپر لیگ میں پانچ میں سے یہ چوتھی سیریز جیتی ہے لیکن پچھلی جیتی گئی تینوں سیریز میں اس نے ایک، ایک میچ بھی گنوایا ہے۔

اب بابراعظم کی کوشش ہوگی کہ ویسٹ انڈیز کے خلاف کلین سویپ کرکے پورے 30 پوائنٹس حاصل کرلیے جائیں۔

ویسٹ انڈیز سے دو میچز جیت کر پاکستانی ٹیم ویسٹ انڈیز کے ساتھ سپرلیگ میں چوتھے نمبر پر آگئی ہے۔ دونوں ٹیموں کے 80 پوائنٹس ہیں۔

بشکریہ جنگ