امریکی سفارتی مشن برائے فلسطین براہ راست واشنگٹن کو رپورٹ کرے گا
یروشلم میں تعینات امریکا کے سفارتی مشن برائے فلسطین کے مینڈیٹ میں اضافہ کردیا گیا ہے، اب اہم سفارتی اُمور پر مشن کا عملہ براہ راست واشنگٹن سے رابطہ کرے گا۔
نئی ترامیم کے بعد یونٹ برائے فلسطینی اُمور کا نام اور انتظامی حیثیت تبدیل کرکے دفتر برائے فلسطینی اُمور (Office of Palestinian Affairs, OPA) رکھ دیا گیا ہے۔
سفارتی مشن کے ترجمان نے اپنے بیان میں کہا ہے کہ او پی اے یروشلم میں قائم امریکی سفارتخانے کی وساطت سے کام کرے گا۔
انہوں نے بتایا کہ اب سفارتی مشن اہم معاملات پر براہ راست امریکی دفتر خارجہ سے رابطہ کرسکے گا۔
ترجمان کا کہنا تھا کہ سفارتی رپورٹنگ اور عوام کے ساتھ تعلقات کے فروغ کے لیے نیا انتظامی ڈھانچہ تخلیق کیا گیا ہے۔
فلسطینی حکام نے فی الوقت کوئی ردعمل ظاہر نہیں کیا، گزشتہ روز امریکی دفتر خارجہ کے نمائندہ خصوصی ہادی امر کی رم اللّٰہ میں فلسطینی حکام سے ملاقات ہوئی تھی۔
Comments are closed.