عامر لیاقت کی تدفین عبداللّٰہ شاہ غازی کے مزار کے احاطے میں ہوگی

کراچی میں عبداللّٰہ شاہ غازی کے مزار کے احاطے میں عامر لیاقت کی قبر کی تیاری جاری ہے۔

عامر لیاقت کی نماز جنازہ آج بعد نماز جمعہ جامع مسجد عبداللّٰہ شاہ غازی میں ادا کی جائے گی۔

ان کی تدفین عبداللّٰہ شاہ غازی کے مزار کے احاطے میں ہوگی۔

عامر لیاقت کی قبر ان کے والدین کی قبروں کے پہلو میں بنائی جا رہی ہے۔

ایم این اے عامر لیاقت حسین کراچی میں انتقال کر گئے، اسپتال منتقلی کے بعد ڈاکٹرز نے اُن کی موت کی تصدیق کی۔

واضح رہے کہ ممتاز ٹی وی اینکر، رکن قومی اسمبلی عامر لیاقت گزشتہ روز قضائے الہٰی سے انتقال کرگئے تھے۔

صدر مملکت عارف علوی، وزیراعظم شہباز شریف، وزیر خارجہ بلاول بھٹو زرداری، آصف علی زرداری، شیخ رشید، امین الحق، صادق سنجرانی، سعید غنی، مریم نواز، کیپٹن حلیم صدیقی، اسفند یار ولی خان، شاہی سید، مرتضیٰ وہاب، سینیٹر فیصل جاوید خان، سید غوث علی شاہ، خرم شیر زمان، غفار بلال، رضا ہارون، محمد حسین محنتی، حافظ نعیم الرحمٰن، ایاز لطیف پلیجو، جلال محمود شاہ، زین شاہ، مفتی ابوذر، علامہ کوکب نورانی اوکاڑوی، حاجی حنیف طیب، علامہ شاہ عبدالحق، غلام نبی میمن، جاوید اختر اوڈھو، سینیٹر نثار کھوڑو، سہیل عابدی، نقی چاند، رمضان چھیپا، سردار عبدالرحیم، مفتی ابوبکر محی الدین، قاری محمد عثمان سمیت ملک بھر کی دیگر اہم شخصیات نے تعزیت کا اظہار کرتے ہوئے مرحوم کی مغفرت اور بلند درجات کی دعا کی ہے۔

بشکریہ جنگ