دبئی میں انتقال کرنیوالا ملک مقصود ہی کیا مقصود چپڑاسی ہے ؟
دبئی میں 7 جون کو انتقال کر جانے والا ملک مقصود احمد نامی پاکستانی ہی کیا منی لاندرنگ کیس میں نامزد مقصود چپڑاسی ہے؟
دبئی پولیس کی جانب سے ملک مقصود احمد کے جاری کیے گئے ڈیتھ سرٹیفیکیٹ کے مطابق موت طبی ہے۔
ذرائع کے مطابق یہ ڈیٹھ سرٹیفکیٹ اسی مقصود چپراسی کا ہے جس کا نام وزیراعظم شہباز شریف اور وزیر اعلیٰ پنجاب حمزہ شہباز کے خلاف منی لانڈرنگ کیس کے چالان میں بھی استعمال ہوا ہے۔
دبئی میں پاکستانی قونصل خانے نے ملک مقصود احمد کے انتقال کی تصدیق کی ہے اور کہا ہے کہ ملک مقصود کی میت ابھی پولیس کے پاس ہے۔
سفارتی حکام کا کہنا ہے کہ ملک مقصود احمد کی میت آج رات پاکستان بھیجی جائےگی، میت پاکستان بھجوانے کیلئے سفارتی حکام نےاین او سی جاری کر دیا ہے۔
دوسری جانب پی ٹی آئی رہنما فرخ حبیب نے اس بات کی تصدیق کی ہے کہ دبئی میں انتقال کر جانے والے ملک مقصود احمد ہی اصل میں مقصود چپڑاسی ہیں۔
واضح رہے کہ ایف ائی اے کی طرف سے عدالت میں جمع کروائے گئے چالان کے مطابق مقصود چپڑاسی کے اکاؤنٹ کو منی لانڈرنگ کے لیے استعمال کیا گیا تھا۔
Comments are closed.