دعا زہرا اور شوہر ظہیر کے سیالکوٹ میں ہونے کا انکشاف

کراچی سے لاہور پہنچ کر پسند کی شادی کرنے والی دعا زہرا اور اس کے شوہر ظہیر کے سیالکوٹ میں ہونے کا انکشاف ہوا ہے۔

پولیس ذرائع کے مطابق لوکیٹر کے ذریعے دعا زہرا اور شوہر ظہیر کے سیالکوٹ میں موجود ہونے سے متعلق معلومات اکٹھی کی گئی ہیں، لاہور اور کراچی پولیس کی ٹیمیں دعا زہرا کو لینے کے لیے سیالکوٹ میں موجود ہیں۔

دعا زہرہ بازیابی کیس میں آئی جی سندھ کی جانب سے رپورٹ عدالت میں پیش کردی گئی، عدالت نے سابق آئی جی کامران فضل کو جاری شوکاز نوٹس واپس لے لیا۔

پولیس ذرائع کا بتانا ہے کہ لوکیٹر کے ذریعے دونوں میاں بیوی کی موجودگی کا پتہ چلا ہے، دعا زہرا اور شوہر بار بار اپنی لوکیشن تبدیل کر رہے ہیں۔

واضح رہے کہ سندھ ہائیکورٹ نے دعا زہرا کو عدالت میں پیش کرنے کا حکم دے رکھا ہے۔

بشکریہ جنگ