عمران خان کیخلاف بغاوت کے مقدمے سے متعلق فیصلہ آج ہوگا

سابق وزیراعظم عمران خان کے خلاف بغاوت کا مقدمہ درج کرنے یا نہ کرنے کا فیصلہ آج ہوگا۔

ذرائع کے مطابق عمران خان پر تعزیرات پاکستان کی دفعہ 124 اے لگائی جاسکتی ہے۔

وزارت داخلہ کے ذرائع نے کہا ہے کہ 25 مئی کو وفاقی دارالحکومت پر مسلح چڑھائی اور وفاق و صوبوں سے عدم وفاداری کی گئی۔

دفعہ 124 کے تحت کیس میں ملزم کو عمر قید اور جرمانے کی سزا ہوسکتی ہے۔

پشاور ہائیکورٹ نے پاکستان تحریک انصاف کے چیئرمین عمران خان کی راہداری ضمانت منظور کرلی۔

ذرائع نے بتایا کہ عمران خان کے ساتھی ملزمان میں وزیراعلیٰ خیبرپختونخوا اور وزیراعلیٰ گلگت بلتستان بھی شامل ہیں۔

ذرائع نے کہا کہ عمران خان پر غداری کا مقدمہ کرنے یا نہ کرنے پر وزارت داخلہ میں کابینہ کمیٹی کا اجلاس آج ہوگا۔

بشکریہ جنگ