اسٹاک مارکیٹ: مئی کے دوران 100 انڈیکس میں 2171 پوائنٹس کی گراوٹ

پاکستان اسٹاک ایکسچینج (پی ایس ایکس) میں مئی کے آخری روز 100 انڈیکس 38 پوائنٹس اضافے سے بند ہوا ہے۔ پورے مہینے میں انڈیکس کی گراوٹ 2 ہزار 171 پوائنٹس رہی۔

اسٹاک مارکیٹ کے بینچ مارک 100 انڈیکس نے مئی کا اختتام 43 ہزار 78 پر کیا ہے۔

مارکیٹ کی کیپٹلائزیشن 7 ہزار 136 ارب روپے ہے۔ جو ایک مہینے میں 383 ارب روپے کم ہوئی ہے۔

پورے مہینے میں 100 انڈیکس 3 ہزار 892 پوائنٹس کے بینڈ میں رہا۔ 

مئی میں اسٹاک ایکسچینج کے ریڈی بازار میں 140 ارب روپے مالیت کے 4 ارب 54 کروڑ شیئرز کے سودے ہوئے۔

بشکریہ جنگ