عمران کے’ایبسلیوٹلی ناٹ‘ پر سعید غنی کا طنزیہ تبصرہ

پاکستان پیپلز پارٹی کے رہنما سعید غنی نے سابق وزیر اعظم عمران کے اور تحریک انصاف کے ’ایبسلیوٹلی ناٹ ‘سے جُڑے بیانیے پر طنزیہ تبصرہ کیا ہے۔

سماجی رابطے کی سائٹ ٹوئٹر پر جاری اپنے بیان میں سعید غنی نے کہا ہے کہ ہمارے ایک دوست سے کسی نے پوچھا کہ اگر کترینہ کیف تم سے شادی کیلئے کہے تو تمہارا کیا جواب ہوگا، جس پر دوست نے جواب دیا کہ ’’ایبسلیوٹلی ناٹ‘

سعید غنی کا یہ بھی کہنا تھا کہ اس دن سے ہمارا دوست بڑے فخر اور تکبر سے ہر جگہ یہ کہتا پھر رہا ہے کہ کترینہ کیف نے مجھے شادی کا کہا اور میرا جواب تھا ’ایبسلیوٹلی ناٹ‘۔

وفاقی وزیر مراد سعید نے کہا ہے کہ عمران خان کے دور میں امریکا کو ایبسلیوٹلی ناٹ یعنی بالکل نہیں کہا جاتا ہے۔

خیال رہے کہ پاکستان تحریک انصاف (پی ٹی آئی) چیئرمین اور رہنما اپنے دور حکومت میں بہت بار ’ایبسلیوٹلی ناٹ‘ کہتے رہے ہیں۔

پی ٹی آئی رہنما مراد سعید نے ایک بیان میں کہا تھا کہ پہلے امریکا ’ڈو مور‘ کہتا تھا اب ہم ’ایبسلیوٹلی ناٹ‘ کہتے ہیں۔

بشکریہ جنگ