عمران خان نے لانگ مارچ کا آغاز کر دیا، ویڈیو جاری

پاکستان تحریک انصاف کے چیئرمین عمران خان کی جانب سے کے پی کے سے اسلام آباد کی جانب لانگ مارچ کا آغاز کر دیا گیا ہے۔

سابق وزیر اعظم عمران خان کی جانب سے لانگ مارچ کے آغاز پر پی ٹی آئی کے حمایتیوں کے لیے مائیکرو بلاگنگ ویب سائٹ ٹوئٹر پر خصوصی پیغام جاری کیا گیا ہے۔

عمران خان کا اپنے ویڈیو پیغام میں کہنا ہے کہ ’میں اس وقت پشاور سے اپنی مارچ کا آغاز کر رہا ہوں اور سیدھا ولی انٹرچینج پہنچ رہا ہوں، سارے کے پی کے لوگوں کو میں دعوت دے رہا ہوں کہ آپ نے ولی انٹرچینج پہنچنا ہے۔‘

پی ٹی آئی کے کارکن اور پولیس آمنے سامنے ہیں، پولیس نے دو گاڑیوں کے ٹائروں سے ہوا نکال دی ہے، ایوان عدل لاہور میں پولیس اور وکلاء میں جھڑپیں جاری ہیں۔

عمران خان کا مزید کہنا ہے کہ ’ولی انٹرچینج سے میں اس آزادی کے کاروان کی قیادت کرتا ہوا اسلام آباد پہنچوں گا، مجھے امید ہے کہ سب نکلیں گے، میری دعوت ہے کہ سب نکلیں۔‘

انہوں نے مزید کہا کہ ’یہ ایک فیصلہ کُن وقت ہے اور ہم حقیقی آزادی لے کر رہیں گے۔‘

بشکریہ جنگ