شیریں مزاری کی گرفتاری سے متعلق اسلام آباد پولیس کا موقف سامنے آگیا

پاکستان تحریک انصاف (پی ٹی آئی) کی رہنما ڈاکٹر شیریں مزاری کو گرفتار کرنے سے متعلق اسلام آباد پولیس کا موقف سامنے آگیا۔

شیریں مزاری نے اپنے میسیج میں کہا تھا کہ مجھے ابھی تک علم نہیں کہ یہ معاملہ ہے کیا، 1958 کے لینڈ ریفارمز کے وقت میں 7 سال کی تھی۔

ترجمان پولیس کا کہنا ہے کہ شیریں مزاری کو قانون کے مطابق اسلام آباد کی خواتین پولیس اہلکاروں نے گرفتار کیا۔

ترجمان پولیس کا کہنا ہے کہ شیریں مزاری سے کسی قسم کی بدسلوکی کی خبریں بے بنیاد ہیں۔

ترجمان اسلام آباد پولیس کا کہنا ہے کہ خواتین پولیس آفیسرز نے محکمہ اینٹی کرپشن کی درخواست پر شیریں مزاری کو گرفتار کیا۔

واضح رہے کہ تحریک انصاف کی رہنما شیریں مزاری کو زمین پر قبضے کے کیس میں اینٹی کرپشن پنجاب کی ٹیم نے گرفتار کیا تھا۔

بشکریہ جنگ