عمران خان نے میرے گھر پر حملہ کروایا، نور عالم خان

پاکستان تحریک انصاف کے رکن قومی اسمبلی نور عالم خان نے کہا ہے عمران خان نے پشاور میں ان کے گھر پر حملے کیلئے غنڈے بھیجے ہیں۔

جیو نیوز سے گفتگو کرتے ہوئے انہوں نے کہا کہ ڈپٹی اسپیکر کے پی محمود جان اور ارباب وسیم نے پی ٹی آئی کارکنوں کے ساتھ حملہ کیا، میرے گاؤں کے لوگوں نے پی ٹی آئی کارکنوں کو بھگادیا۔

نور عالم کا کہنا تھا کہ یہ میرے گھر پر حملہ کرکے امن وامان کی صورتحال پیدا کرنا چاہتے تھے، پولیس نے حملہ کرنے والے افراد کو تحفظ دیا۔

سابق وزیراعظم اور مسلم لیگ (ق) کے سربراہ چوہدری شجاعت حسین نے سماجی رابطے کی ویب سائٹ ٹوئٹر پر شمولیت اختیار کرلی ہے۔

رکن قومی اسمبلی نے مزید کہا کہ عمران خان نے پی ٹی آئی کارکنوں کو اکسایا ، یہ ذہنی طور پر مفلوج لوگ ہیں، میں ابھی زندہ ہوں، سی ایم ہاؤس کے سامنے مظاہرہ کرسکتا ہوں۔

دوسری جانب پولیس نے نور عالم خان کے بیان کی تردید کرتے ہوئے کہا کہ پی ٹی آئی کی ریلی میں شرکاء نے مین روڈ پر نور عالم کےخلاف نعرے لگائے۔

پولیس کے مطابق نور عالم کا گھر کافی دور ہے۔ نور عالم کی شیئر کی گئی ویڈیو میں بھی کوئی حملہ آور نظر نہیں آرہا۔

بشکریہ جنگ