پرویز الہٰی سے چیئرمین ہانگ کانگ چیمبر آف کامرس کی ملاقات

پنجاب اسمبلی کے اسپیکرچوہدری پرویز الہٰی سےچیئرمین ہانگ کانگ چیمبر آف کامرس چوہدری گلزار نے ملاقات کی، جس میں مونس الہٰی بھی موجود تھے۔

ملاقات میں باہمی دلچسپی کے امور اور پاکستان کی معاشی صورتحال میں بہتری سےمتعلق تبادلہ خیال کیا گیا۔

اس موقع پر چوہدری پرویزالہٰی نے کہا کہ آئین اور قانون کی بالادستی سب کے لیے مقدم ہے، سابق وزیراعظم عمران خان نے اوورسیز پاکستانیوں کو ووٹ کا حق دے کر احسن اقدام کیا۔

چوہدری گلزار نے ایشیا کی سب سے بڑی اور خوبصورت اسمبلی بنانے پر  پرویز الہٰی کو مبارکباد دی۔

انہوں نے کہا کہ اسمبلی عمارت میں دینی روایات کی عکاسی پرویز الہٰی کی اسلام سے محبت کا ثبوت ہے۔

اس موقع پر مونس الہٰی کا کہنا تھا کہ ہانگ کانگ چیمبر آف کامرس سے ملکر ملکی ترقی کیلئے فعال کردار ادا کر سکتے ہیں۔

بشکریہ جنگ