25 مبینہ منحرف PTI ایم پی ایز کیخلاف درخواست پر سماعت مقرر

لاہور ہائیکورٹ نے پنجاب اسمبلی میں پی ٹی آئی کے 25 مبینہ منحرف اراکین اسمبلی کے خلاف کارروائی نہ کرنے کے خلاف پٹیشن پر جلد سماعت کی درخواست منظور کر لی، سماعت کی تاریخ 17 کی بجائے 13 مئی مقرر کی گئی ہے۔

جسٹس شجاعت علی خان نے لاہور ہائیکورٹ میں سبطین خان سمیت پی ٹی آئی کے دیگر اراکین کی متفرق درخواست پر سماعت کی۔

عدالت نے الیکشن کمیشن کو نوٹس جاری کرتے ہوئے جواب طلب کر رکھا ہے۔

درخواست گزاروں کا مؤقف ہے کہ 25 منحرف اراکین پنجاب اسمبلی کے خلاف ریفرنس الیکشن کمیشن کو بھجوایا مگر الیکشن کمیشن نے ریفرنس پر منحرف اراکین کو ڈی سیٹ کرنے کے حوالے سے ابھی کوئی فیصلہ نہیں کیا۔

درخواست میں استدعا کی گئی ہے کہ کیس پر سماعت کی تاریخ 17 مئی کی بجائے جلد مقرر کی جائے۔

بشکریہ جنگ